ملخص خناقة مصطفى درويش مع شيرين رضا في 3 كلمات
ضجت مواقع التواصل خلال الساعات الماضية بتصريحات الفنان مصطفى درويش، والحرب الكلامية مع الفنانة شيرين رضا، بعد أن وصفها بأنها "كبيرة في السن"، بعد قولها إنها "لا تعرفه".
درويش علق على أزمته مع شيرين رضا، عبر حسابه الرسمي على فيسبوك، إذ نشر صورة تجمعه بمجموعة من النجوم منها آسر ياسين، عمرو دياب، محمد فؤاد، معلقا: اللي بيحب يفهم بيفهم، واللي بيحب يظيط بيظيط وخلاص، أنا لا بسخر ولا أقدر أسخر من سن حد، أنا مش طفل أنا كبير.
وأضاف درويش: فيه حاجة في الدنيا اسمها بتغلط في شخص بتقول له أنت كبير؟ ما سمعتهاش قبل كده الصراحة، أنا بحترم كل الزملا قدام أو جداد، كلنا زملاء في شغل واحد، وأكيد بحترم الكبير قبل الصغير.
وتابع كلامه: اللي بيحترم نفسه بتحترمه الناس، وأنا عمري ما غلطت في زميل أو زميلة ولا عمري أغلط، أنا ممكن أزعل من موقف بس أغلط فيه مش تربيتي، أغلط في حد في التليفون أو على فيسبوك أروح أغلط في وشه، واللي معاشرني عارف عني ده، بس كده وده للتوضيح نقفل القصة الغريبة دي.
وكانت شيرين رضا قد ظهرت خلال برومو برنامج «حبر سري» مع أسما إبراهيم، المقرر عرضه خلال شهر رمضان عبر «القاهرة والناس»، عندما سألت على مصطفى درويش وانسحابه من فيلم «الملحد»، بسبب تصريحات المؤلف إبراهيم عيسى عن الإسراء والمعراج، لترد عليها شيرين بأنها لا تعرف من هو مصطفى درويش.
وعلق مصطفى درويش عبر فيسبوك قائلًا: معلش السن، ربنا يديكي الصحة، وفيه فرق بينا أجيال كتير هتعرفي مين ولا مين؟
موضوعات متعلقة
أضف تعليقك
الأكثر قراءة
آخر الأخبار
