باحثة في لغة الجسد و مدربة مهارات البشرية


القوة الناعمة (نعومة الأفعى)


فيه حد عمره كره شادية أو سهير البابلي في ريا و سكينة ؟ بالرغم انهم كانوا قتالين قتلة ، و مفيش اي مبرر مهما كانت الظروف ان الشخص يبقي قاتل !! بس اتعاطفنا معاهم . ده ابسط مثال من اللي بيخرج لنا من الشاشات سواء منصات او تليفزيون أو سينما.. طيب حد هيقولي : طبيعي تاريخهم الفني و حبنا فيهم خلانا نتعاطف .هقول: تعاطفت مع قاتل في الآخر و ده معناه طالما اترسخ في عقلك الباطن و ببساطة ممكن يحصل لحد قريب منك طيب و متدين ظاهرياً و بيعمل خير كتير ، و هتلتمس له نفس العذر علي جريمة أو خطأ.



ارتباطات غير شرطية


ايه هو الارتباط الشرطي و معناه ايه ؟ الارتباط الشرطي هو نظرية العالم الشهير "ايفان بفالوف ".. و النظرية ببساطة شديدة هي اقتران شئ بشئ مثلاً اقتران جمال عبد الناصر بالكاريزما ، اقتران الفرن البلدي بالجدة ، اقتران برج ايفل بباريس ، بمعني يذكر الشئ فتتذكر شئ مقرون بيه .. بفالوف طبق النظرية دي علي الكلب بتاعه و جه كل يوم في ساعة محددة و كان بيصفر بصفارة للكلب و يحطله الاكل و بيسيل لعاب الكلب ،، و كرر ده ايام متتالية و في مرة الكلب اول ما سمع الصفارة جري و مكانش فيه اكل و لكن لعابه سال لانه ارتبط بالصفارة.