عايزه أتجوز نجار وهذا رأيي في محمد صلاح.. أبرز تصريحات سمية الخشاب

سمية الخشاب
سمية الخشاب



قالت الفنانة سمية الخشاب، إنها كانت خائفة على ندى الكامل، لأنها رأت مشاحنات خفيفة بينها وبين أحمد الفيشاوي، وأنها تدخلت لحلها في مهرجان الجونة الماضي.

وأطلقت سمية الخشات عدة تصريحات، خلال استضافتها في برنامج «آخر كلام» الذي يذاع على شاشة MBC مصر وتقدمه الإعلامية ياسمين عز، وتحدثت عن طلاق أحمد الفيشاوي وندى الكامل، ووجهت نصيحة لمطرب المهرجانات حمو بيكا، ورأيها في الخيانة الزوجية،

وهذه أبرز تصريحاتها

  •  ندى الكامل طيبة ولذيذة وأنا كنت خايفة عليها، لأنني رأيت مشاحنات خفيفة ما بين أحمد وندى و تدخلت لحلها في مهرجان الجونة الماضي، وقدمت لها نصائح ومبسوطة أنها سمعت النصايح، ولما انفصلت كانت بطريقة راقية جدًا، وهناك احترام متبادل وفي انفصال بشكل كويس وخدت حقوقها، وأنا مبسوطة إنها وصلت للحاجة اللي هي كانت عايزه تعملها.
  • ملامح حمو بيكا على الحقيقة بيبي فيس جدا، وطيب وعفوي وعنده حضور، وأنا بقول لومثّل هينجح جدا، وبنصحه إنه يكمل تعليمه وبقول له، مش عيب أنا لحد دلوقتي بتعلم وبقرأ كتب جديدة وبفهم حاجات جديدة عشان أزود وعيي وإدراكي.
  • مينفعش الست يكون طالع عينها عطاء، وفي النهاية تتخان وتتطلق وتنهار وحياتها تضيع وتمرض. لو ده حصل لازم تمشي فورا، وإلا تبقى عاوزة تتخان، ومينفعش هو يعرف واحدة تانية، أو تدخل تقفشه مع واحدة، وده بيحصل كتير.
  •  مركزه في شغلي، وعندي مليون ألف حاجة أعملها، والجواز هيعطلني، وأنا مش عايزة أتعطل دلوقتي
  •  أنا رايقة ومبسوطة ومش حاسة بوحدة ولا بضيق ومستمتعة بحياتي.
  • المهرجانات نوع من الأغاني الشعبية، وأنا بحب الرقص أوي، ودايما برقص وأبدأ يومي بالرقص.
  • مبحبش السهر أو الخروج في رأس السنة، ودائما ما أحب أقعد في المنزل مع أسرتي.
  • لما بيسألوني عايزة تتجوزي إيه اقولهم نجار، لأني بحب النجارة جدا وبحب أعيش وسط الطبيعة.
  • محمد صلاح ابن بلدي وهو مهتم أوي إنه يطور من نفسه ويقرأ ومثقف ويتمرن كتير.

 

 







أضف تعليقك