الكورونا تسأل أوكرانيا


سمير الجمل

الكورونا :خلاص ماخدش بيسأل في أمي كأني مش موجوده
أوكرانيا: خليكي على جنب دلوقتي وكفايه اللي انا فيه
كورونا: الفلوس نازله علي نافوخه من كل ناحيه ولا احسن رقاصه في شارع
أوكرانيا: والحرب اللي انا فيها
كورونا: كل شيء بتمنه ياحلوه والشحات عشان يلم اكتر ممكن يضحي بعين او رجل زي فيلم المتسول
اوكرانيا: أنا مادخلت الحرب بمزاجي
كورونا: يبقى على رأي العندليب اللي شبكنا يخلصنا
أوكرانيا: وخلاصةالكلام انتي عايزه ايه
كورونا: عايزه بريستيجي وابقى اول خبر في النشره
أوكرانيا: العبي بعيد ياشاطره
كورونا: كده.. طيب فيه متحور جديد نازل وورينا حلف الناتو بتاعكم هيعمل ايه والست امريكا اللي خلتها تلف حوالين نفسها نشوف جبروتها وانزل يا مخرج بأغنية اللي يقدر ع الفيرس يخطفه وانا اروح وياه!!!







أضف تعليقك

الكاتب الصحفي والسيناريست